قبل لانتفاهم أبي منك ترمي عقالك..
ترى لا أنت وجه للرجوله ولا انت قدها..
وعينك هذي تنزلها لاوقفت انا قبالك..
ولاتقاطع في كلامي والزم الفاظك حدها..
لاتساهل في كلامي واحفظه وخله في بالك..
أنا بنت ورثت العزه من أبوها لجدها..
مايهزها مجرد وجودك كبرياها مايكسره امثالك..
والكرامه قبل تعرفك راضعته بدمها..
غلطان ان كنت تحسبني شيء تبعك ومن حلالك..
أنا أكبر من طموحك وشف يدك لابغيت تمدها ..
اللي مثلك شخص ( خايـن ) يستحي منك ظلالك..
اللي مثلك مامشى درب الرجوله وماوصل لمجدها ..
عزتي عيت تنازل لجل اعاتبك على فعالك..
خلنا من "قصة خيانه" وقلي كرامتك وش عندها؟..
وين الرجوله اللي تقول؟!كيف ترضى يكون حالك؟..
وين عقلك طار له؟ يوم تلحق مرها وشهدها ..
لو سِألت عن المهانه قلت:تجسد من خلالك..
يوم ترمي بالرجوله وتركض وتمسك يدها!!..
ان كنت تسأل عن شعوري أبشر بجاوب عن سؤالك..
تدري! فرحت! لأني عرفت محبتك قبل يطول بعدها..
أدري اني في يومٍ قلت:أني عشقت حتى خيالك..
وأنك قد كنت بحياتي شمسها"وظلها"وشوكها"ووردها..
لكن دموعي أنا على كل لحظاتي بوصالك..
يوم تخدعني بحبك وتنقل كلامك اللي تقوله عندها..
لكن..مضى كل هالزمن وماني فيه أصغر عيالك..
أنا أداعب هالنجوم واسأل الشمس عني ياما لثمت بخدها..
واللحين بشوفك وانت تقفي ساحب عز متهالك..
ولم أعذارك معك يشرفني اني بكل بساطه أصدها..
مستحيل أقبل عذر أنا أعلنت عن حياتي إعتزالك..
والهـدايا اللي وصلتني عفواً..أنا بردها..
لحظه قبل تقفي لاتنسى تنحني وتاخذ عقالك..
واحترف طقوس المذله..اركض ألحقها شفها تمشي لوحدها..
مارايكم بالخواطروالشعر
الي يجرح أكثرمن أنهاأحاسيس
ومشاعرمرهفه؟
هل تويدون هذا النوع من
الخواطر؟؟
هل الجرح والخيانه أصبحت
هي من تعبرعن مابداخلنا؟؟
مع أحترامي للي كاتب هالخاطره وتراهامعجبتني حيل
وكلماتهاقويه"